«Էկոլոգիական հասարակական դաշինք»-ը, բացառությամբ 2 կազմակերպությունների` «Հանուն կայուն մարդկային զարգացման» և «Բուսաբանական ընկերություն», բաց նամակ է հղել ՀՀ վարչապետ Տիգրան Սարգսյանին, որում մասնավորապես ասված է.
Բնապահպանության նախարար Արամ Հարությունյանը, ծանոթանալով «Առաջին լրատվականում» տեղադրված «Ջրվեժին ձեռք տալը մեծագույն հանցագործություն է բնության դեմ» հոդվածին, հանձնարարել է տեսչական ուսումնասիրություն անցկացնել խնդրի առթիվ և իրեն զեկուցել փորձաքննության արդյունքը։
Հայաստանի բնապահպանության նախարար Արամ Հարությունյանը հանձնարարել է Արարատյան դաշտավայրում ջրային ռեսուրսների պարբերական ստուգումներ եւ փաստացի ծավալների չափումներ կատարել:
ՀՀ կառավարության 2005թ.-ին հաստատած տասնամյա «Անտառկառավարման ազգային ծրագրով» նախատեսված է Հայաստանում տարեկան 5 հազ. հեկտարի վրա անտառապատման եւ անտառվերականգնման աշխատանքներ իրականացնել: 2010 թ-ին այդ ծրագրի իրականացման համար երկրի բյուջեից միջոցներ չեն հատկացվել: Այս մասին «ՆՏ»-ի թղթակցին հայտնեց «Անտառային պետական մոնիտորինգի կենտրոն» ՊՈԱԿ-ի տնօրեն Արթուր Ալավերդյանը:
Երեւանում հայտնվել է նոր վտանգավոր օբյեկտ` Հարավ-Արևմտյան Բ-1 զանգվածի աղբանոցը: Այդ մասին «ԷկոԼուր»-ին ահազանգեցին տվյալ շրջանի զայրացած բնակիչները: Աղբանոցը գործում է ընդամենը մեկ տարի, բայց ծխում է ամեն օր: Օրգանական նյութերի թերայրումը հանգեցնում է աղտոտիչների` այդ թվում դիօքսինի արտանետման:
Հանրապետությունում էլեկտրաէներգիայի սպառումը 2009թ. (2010թ. տվյալներն ամփոփվում են) կազմել է մոտ 5,6 միլիարդ կվտ/ժամ, հայկական ԱԷԿ-ի բաժինն ընդհանուր առմամբ կազմել է 45%: Այսօր սուր դրված է Հայկական ԱԷԿ-ի գործող բլոկի կանգնեցման հարցը եւ նրա փոխարինումը 1000 ՄՎտ նոր ռեակտորով:
ՀՀ կառավարությունը Սեւանա լիճ թափվող գետերի էկոլոգիական վիճակը բարելավելու եւ ձկնային պաշարները վերականգնելու նպատակով որոշում է ընդունել Սեւանի ավազանում փոքր ՀԷԿ-երի կառուցումն արգելելու մասին:
Հայաստանում 2010 թ. արդյունահանվել է 40946.1 տոննա պղինձ և 5408.0 տոննա մոլիբդեն, իսկ ըստ Բլումբերգ գործակալության՝ 2011 թ. պղնձի դեֆիցիտը կկազմի 635 000 տոննա, որը կլինի ամենաբարձրը՝ սկսած 2004 թ.-ից, և գինը կգերազանցի 10 000 ԱՄՆ դոլարը, համաշխարհային պահանջարկը կավելանա 4.2 %-ով:
Լեռնաձոր գյուղում, որտեղ «Հայ-ռուսական լեռնահանքային կազմակերպություն»-ը 2010-2011թթ. ուրանի պաշարների հետախուզման աշխատանքներ էր իրականացնում, տեղադրել են ռադիոակտիվությունը չափող դետեկտորներ, իսկ հետո հանել են` ընդ որում ոչինչ չբացատրելով բնակիչներին:
Կոտայքի մարզի Քաղսի եւ Սոլակ համայնքներում համաճարակային իրավիճակը հանգիստ է: Այս մասին «ԷկոԼուր»-ի հարցմանն ի պատասխան տեղեկցնում է ՀՀ առողջապահության նախարարությունը: Հարցումն արված էր նրա հիման վրա, որ մաքրման կայանի չգործելու հետեւանքով Հրազդան, Ծաղկաձոր քաղաքների ու հարակից համայնքների կոյուղաջրերը թափվում են Հրազդան գետ եւ մնում Քաղսի գյուղի տարածքում: Այդ ջրերով գյուղացիները ոռոգում են իրենց հողամասերը: