Կիրակի, 21.07.2019, 19:02

ԵՊՀ Աշխարհագրության և երկրաբանության ֆակուլտետի ուսանողական կայք


Գլխավոր Մենյու
Ն Ո Ր Ո Ւ Յ Թ ! ! ! ! ! ! ! ! !

Որոնում
Եղանակը Երևանում

07.06.2010-ից սկսած
free counters
Վիճակագրություն
Яндекс.Метрика
Հիմա կայքում: 1
Հյուրեր: 1
Օգտագործողներ: 0
Արխիվ

Գլխավոր էջ » 2011 » Մայիս » 13 » ԱՐՏԱՔԻՆ ՔԱՂԱՔԱԿԱՆՈՒԹՅՈՒՆՆ ՈՒՍԱՆՈՂԱԿԱՆ ԴԻՏԱԿԵՏԻՑ
19:20
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆՆ ՈՒՍԱՆՈՂԱԿԱՆ ԴԻՏԱԿԵՏԻՑ
Նախարարների հետ հանդիպումների շարքը նախաձեռնել է ԵՊՀ ուսանողական խորհուրդը: Մինչ այսօր արդեն կայացել են ՀՀ մշակույթի եւ Սփյուռքի նախարարների հետ հանդիպումները:

«Միշտ հաճույքով եմ ընդունում այն հրավերները, որոնք ստանում եմ համալսարանից, քանի որ ԱԳՆ դիվանագիտական դպրոցի առաջին ունկնդիրներն ու շրջանավարտները հենց ԵՊՀ-ի ուսանողներն են»,- հանդիպման սկզբում նշեց ԱԳ նախարար Էդվարդ Նալբանդյանը:

Նախարարը նախ մի քանի բառով ներկայացրեց վերջին մեկ տարվա անցուդարձը արտաքին քաղաքականության բնագավառում` նշելով, որ ձեռքբերումներ են արձանագրվել հայ-ամերիկյան, Եվրամիության, ինչպես նաեւ ՄԱԿ-ի անվտանգության խորհրդի երկրների հետ հարաբերություններում:

«Բանակցությունների ընթացքում պետք չէ գլուխ գովել, այլ հանդարտ բանակցել: Այսօր Հայաստանի դիրքորոշումները շատ մոտ են միջազգային հանրության մոտեցումներին: Մասնավորապես ԵԱՀԿ-ի վերջին 3 հայտարարությունները լիովին համընկնում են մեր մոտեցումներին»,- հավելեց նախարարը:

Այնուհետեւ առանց լրագրողների հանդիպումը շարունակվեց հարց-պատասխան ձեւաչափով: ԵՊՀ Պալեանների անվան դահլիճում հավաքված ուսանողների հարցերը բազմազան էին` սկսած Ղարաբաղյան հակամարտությունից մինչեւ Թուրքիայի հետ հարաբերություններ:

Փարատելով ուսանողներից մեկի մտահոգությունը, թե հնարավոր է արդյոք ռազմական գործողությունների վերսկսումը` պարոն Նալբանդյանը հավաստեց, որ պատերազմ չի լինի, որովհետեւ դա կարգավորման ճանապարհ չէ. մեր դեպքում դիվանագիտական միջոցները դեռ չեն սպառվել:

Իսկ ինչ վերաբերում է հայ-թուրքական հարաբերությունների կարգավորմանը, նախարարն ասաց, որ մեր ցանկություններն անկեղծ էին, ձեւական չէին. «Պարզ ճակատով դուրս եկանք: Առաջին անգամ պատմության մեջ միջազգային հանրությունն ըմբռնում է մեր դիրքորոշումը եւ ասում այն, ինչ մենք»:

Չնայած դեռ բոլոր հարցերը չէին սպառվել, բայց հանդիպումն ավարտվեց մոտ ապագայում կրկին հանդիպելու ակնկալիքով: Վերջում նախարարը պարգեւատրվեց նաեւ ԵՊՀ ուսանողական խորհրդի արծաթե մեդալով:

| Դիտում: 408 | Ավելացրեց: AH | Գնահատական: 0.0/0 |  Աղբյուրը: ԵՊՀ  


Օրացույց
«  Մայիս 2011  »
ԵրկԵրեքՉորՀինՈւրՇաբԿիր
      1
2345678
9101112131415
16171819202122
23242526272829
3031
...
...

...

Գովազդ



ԵՊՀ Աշխարհագրության և երկրաբանության ֆակուլտետ

 


.