Կիրակի, 21.07.2019, 19:05

ԵՊՀ Աշխարհագրության և երկրաբանության ֆակուլտետի ուսանողական կայք


Գլխավոր Մենյու
Ն Ո Ր Ո Ւ Յ Թ ! ! ! ! ! ! ! ! !

Որոնում
Եղանակը Երևանում

07.06.2010-ից սկսած
free counters
Վիճակագրություն
Яндекс.Метрика
Հիմա կայքում: 1
Հյուրեր: 1
Օգտագործողներ: 0
Արխիվ

Գլխավոր էջ » 2011 » Հուլիս » 25 » ԱՅԺՄ ՀՆԴԿԱԿԱՆՆ ՈՒ ՀՆԴԿԵՐԵՆԸ ԵՊՀ-ՈՒՄ
19:45
ԱՅԺՄ ՀՆԴԿԱԿԱՆՆ ՈՒ ՀՆԴԿԵՐԵՆԸ ԵՊՀ-ՈՒՄ
Այսուհետեւ ԵՊՀ-ում կգործի ժամանակակից հնդկական հետազոտությունների կենտրոն-ամբիոն:

Կենտրոն-ամբիոնի բացման վերաբերյալ այսօր փոխըմբռնման հուշագիր ստորագրեցին ԵՊՀ ռեկտոր Արամ Սիմոնյանը եւ Հայաստանում Հնդկաստանի արտակարգ եւ լիազոր դեսպան Աչալ Մալհոտրան:

Ըստ հուշագրի` Հայաստան կհրավիրվի հնդիկ մասնագետ, ով 4 տարվա ընթացքում (մեկական կիսամյակ) կդասավանդի Արեւելագիտության ֆակուլտետի մագիստրատուրայի ուսանողներին: ԵՊՀ-ն պարտավորվում է ապահովել աշխատանքային եւ կեցության համար անհրաժեշտ պայմաններ, իսկ ֆինանսական խնդիրներով զբաղվելու է Հնդկաստանի Կառավարությունը:

Նորաբաց կենտրոն-ամբիոնում հնդիկ մասնագետի հետ կաշխատեն Արեւելագիտության ֆակուլտետի` հնդկերենի 2 մասնագետները: «Մենք հույս ունենք, որ առաջիկա երկու տարիների ընթացքում կպատրաստենք հատկապես երկրագիտության եւ լեզվի գծով մասնագետներ, որոնք կհամալրեն այդ շարքերը: Չեմ բացառում, որ դեսպանատան աջակցությամբ կունենանք նաեւ հրավիրյալ այլ մասնագետներ»,- հուշագրի ստորագրումից հետո հայտարարեց Արամ Սիմոնյանը:

Նախատեսվում է, որ առաջիկայում մագիստրոսական այդ ծրագրով կսովորեն 10 ուսանողներ, սակայն զուտ լեզուն սովորելու համար կարող են դիմել նաեւ այլ ֆակուլտետների ուսանողները: Այս տարի կդասավանդվեն միայն լեզու եւ մշակույթ, իսկ հետագայում հնդկագիտության ուսումնասիրությունն ավելի կխորացվի:

Հուշագրի ստորագրմանը ներկա էին նաեւ ներկայացուցիչներ Հայաստանում Հնդկաստանի դեսպանատնից, ինչպես նաեւ ՀՀ ԱԳ եւ ԿԳ նախարարություններից:

Հայաստանում Հնդկաստանի դեսպանը հույս հայտնեց, որ հուշագրի ստորագրումը կնպաստի ոչ միայն բարեկամական հարաբերությունների ամրապնդմանը, այլեւ լավ խթան կլինի միջմշակութային ու հաղորդակցության եւ երկու երկրների տուրիզմի զարգացման համար. «Շատերը Հնդկաստանի մասին գիտեն միայն բոլիվուդյան ֆիլմերից, սակայն իրական Հնդկաստանին եւ մշակույթին, կարծում եմ, ավելի լավ կծանոթանան այստեղ»:


| Դիտում: 370 | Ավելացրեց: AH | Գնահատական: 0.0/0 |  Աղբյուրը: ԵՊՀ  


Օրացույց
«  Հուլիս 2011  »
ԵրկԵրեքՉորՀինՈւրՇաբԿիր
    123
45678910
11121314151617
18192021222324
25262728293031
...
...

...

Գովազդ



ԵՊՀ Աշխարհագրության և երկրաբանության ֆակուլտետ

 


.