Բուսականության այրումն այսուհետ արգելված է օրենքով
Բուսական մնացորդների ու չոր բուսականությամբ տարածքների, ծղոտների, արոտավայրերի ու խոտհարկերի բուսականության, անտառամերձ տարածքներում, անտառային ու հատուկ պահպանվող տարածաքներում գյուղատնտեսական մնացորդների այրումն այսուհետ արգելվում է օրենքի մակարդակով:
Հոկտեմբերի 4-ին ՀՀ նախագահ Սերժ Սարգսյանը ստորագրել է ՀՀ Ազգային Ժողովի ընդունած «Մթնոլորտային օդի պահպանության մասին» Հայաստանի Հանրապետության օրենքում լրացումներ և փոփոխություններ կատարելու մասին օրենքը: Օրենքում կատարված լրացումների շնորհիվ, կնվազի բուսածածկույթի այրումից առաջացող թունավոր նյութերի արտանետումը մթնոլորտ, ինչպես նաեւ կփոքրանա մեծամաշտաբ հրդեհների բռնկման ռիսկը:
