Հինգշաբթի, 18.07.2019, 01:36

ԵՊՀ Աշխարհագրության և երկրաբանության ֆակուլտետի ուսանողական կայք


Գլխավոր Մենյու
Ն Ո Ր Ո Ւ Յ Թ ! ! ! ! ! ! ! ! !

Որոնում
Եղանակը Երևանում

07.06.2010-ից սկսած
free counters
Վիճակագրություն
Яндекс.Метрика
Հիմա կայքում: 1
Հյուրեր: 1
Օգտագործողներ: 0
Արխիվ

Գլխավոր էջ » 2011 » Մայիս » 30 » «ԿՈՄԱՆԴՈՍԻ ԳՈՐԾԸ ԴԵՌԵՎՍ ԱՆԳՆԱՀԱՏԵԼԻ Է»
19:28
«ԿՈՄԱՆԴՈՍԻ ԳՈՐԾԸ ԴԵՌԵՎՍ ԱՆԳՆԱՀԱՏԵԼԻ Է»
Մայիսի 27-ին «Վարդանանք» ռազմահայրենասիրական դաստիարակության ակումբի նախաձեռնությամբ համալսարանականները հանդիպեցին Արցախի հերոս, գեներալ-մայոր Արկադի Տեր-Թադեւոսյանի (Կոմանդոս) հետ: Միջոցառումը նվիրված էր մայիսյան հաղթանակներին եւ Կոմանդոսի ծննդյան տարեդարձին:


Բացման խոսքով հանդես եկավ բանախոս Աննա Բախշյանը, ով նշեց, որ այսպիսի հանդիպումներում կարեւոր է մտերմիկ զրույցի առկայությունը: Ելույթ ունեցավ նաեւ բանախոս Սերգուշ Բաբայանը, ով խորին շնորհակալություն հայտնելով Արկադի Տեր-Թադեւոսյանին հայրենանվեր աշխատանքի համար, մեջբերեց Մոնթեի` Կոմանդոսին նվիրված խոսքերը, ասմունքեց Վահան Տերյանի «Երկիր Նաիրի» շարքից երեք բանաստեղծություններ, հատվածներ Խաչիկ Դաշտենցի «Ռանչպարների կանչը» վեպից` որպես պետության ամենամեծ արժեք բնորոշելով պետականության ձեռքբերումը:

Իրենց կատարումներով Կոմանդոսին շնորհավորելու էին եկել երգիչներ Դավիթ Ամալյանը, Մկրտիչ Մկրտչյանը, Գրիգոր Համբարյանը, Արսեն Համբարյանը: Հնչեցին «Քելե լաո», «Մահ ոսոխին», «Կոմանդոս», «Ձայն մը հնչեց», «Նժդեհ» ռազմահայրենասիրական երգերը, որոնք մեծ ոգեւորություն առաջացրին դահլիճում:

Հանդիպմանը ներկա էր նաեւ զոհված ազատամարտիկ Վարդան Ստեփանյանի (Դուշման Վարդան) մայրը` տիկին Զարիկը, ով դժգոհություն հայտնեց արդի հայ պատմաբանների ապազգային աշխատանքից` դրանք որակելով կեղծ եւ ոչ բնորոշ հաղթող պետությանը: Նա Կոմանդոսին խնդրեց գրիչ վերցնել եւ պայքարել պատմական այդպիսի կեղծիքների դեմ եւ հավելեց, որ այսօր, ցավոք, չկան գրական-գեղարվեստական այնպիսի ստեղծագործություններ, որոնք կամբողջացնեն Արցախյան հերոսներին: Տիկին Զարիկի խոսքերի հետ համաձայն չէր գրող, հրապարակախոս Գրիգոր Ջանիկյանը: Նա ներկաներին կոչ արեց մտածել ոչ միայն Արցախի ու նրա վերջնական ազատագրման, այլեւ պատմական Հայաստանը վերադարձնելու մասին:

Իսկ «Զինվոր» համակարգող խորհրդի նախագահ Մարգարիտա Խաչատրյանը (տիկին Մոռոզը) նշեց, որ Կոմանդոսի գործը դեռեւս անգնահատելի է եւ նրան խնդրեց ամեն ջանք ձեռնարկել հայկական բանակում ներկայումս տիրող կամայականությունների վերացման ուղղությամբ:

Հանդիպման վերջում ներկաները երգեցին «Վարդանանք» ռազմահայրենասիրական դաստիարակության ակումբի հիմնը: Ծննդյան տարեդարձի կապակցությամբ վարդանանքցիները Կոմանդոսին նվիրեցին մեծ կտավ, իսկ «Կարին» ազգագրական համույթի ղեկավար, ազգագրագետ Գագիկ Գինոսյանն էլ իր փոքրիկ նվերը հանձնելիս հույս հայտնեց, որ նմանաբնույթ հանդիպումներն այսուհետ կավելանան:

| Դիտում: 367 | Ավելացրեց: AH | Գնահատական: 0.0/0 |  Աղբյուրը: ԵՊՀ  


Օրացույց
«  Մայիս 2011  »
ԵրկԵրեքՉորՀինՈւրՇաբԿիր
      1
2345678
9101112131415
16171819202122
23242526272829
3031
...
...

...

Գովազդ



ԵՊՀ Աշխարհագրության և երկրաբանության ֆակուլտետ

 


.