Հինգշաբթի, 18.07.2019, 01:26

ԵՊՀ Աշխարհագրության և երկրաբանության ֆակուլտետի ուսանողական կայք


Գլխավոր Մենյու
Ն Ո Ր Ո Ւ Յ Թ ! ! ! ! ! ! ! ! !

Որոնում
Եղանակը Երևանում

07.06.2010-ից սկսած
free counters
Վիճակագրություն
Яндекс.Метрика
Հիմա կայքում: 1
Հյուրեր: 1
Օգտագործողներ: 0
Արխիվ

Գլխավոր էջ » 2011 » Մայիս » 4 » ԿՈՌՈՒՊՑԻԱՅԻ ԴԵՄ ՊԱՅՔԱՐՈՒՄ ԵՆ ՎԱՐՉԱՊԵՏԻ ՀԵՏ
19:15
ԿՈՌՈՒՊՑԻԱՅԻ ԴԵՄ ՊԱՅՔԱՐՈՒՄ ԵՆ ՎԱՐՉԱՊԵՏԻ ՀԵՏ
Դեռ նախորդ հանդիպման ժամանակ, երբ վարչապետը Հայաստանի երիտասարդական հիմնադրամի կողմից հատկացված կրթաթոշակները հանձնեց ուսանողներին, նրանք պայմանավորվել էին հանդիպել ու միասին քննարկել կրթական ոլորտի կոռուպցիային վերաբերող մի շարք հարցեր:

Հանդիպման սկզբում վարչապետը նշեց, որ այն իր համար կարեւոր է այնքանով, որ ուզում է` ուսանողները տեսնեն, թե ինչ վերաբերմունք ունի ինքը նրանց հուզող խնդիրների նկատմամբ:

Նախ պարոն Սարգսյանը բուն թեմային անցնելուց առաջ առանձնացրեց մի քանի կետեր, որոնք կարեւոր են այսպիսի խնդիրներ բարձրացնելիս: Ցանկացած խնդիր լուծելու համար պետք է այն ճիշտ ձեւակերպել, որպեսզի հնարավոր լինի գտնել լուծման մեթոդները: Իսկ ուսանողները` որպես գիտութամբ զբաղվող անձինք, պետք է այսօրվանից խնդիրը ձեւակերպելու հմտություններ ձեռք բերեն: Մտածող մարդիկ պետք է աշխարհի մասին ամբողջական պատկերացում ունենան: Իսկ մյուս կետն այն է, որ կոռուպցիան պետք է դիտարկել այդ ամբողջականության մեջ, այսինքն` դրան մոտենալ բազմակողմանիորեն:

«Եթե այսօր կարողանանք հասկանալ, թե ինչ արժեհամակարգ ունի այս լսարանը, եւ ինչ մտածողություն է իշխում, կհասկանանք, թե ինչպիսին է լինելու Հայաստանը վաղը»,- կարծում է ՀՀ վարչապետը. ուստի նա նախընտրեց լսել ուսանողներին:

ԵՊՀ ուսանողական խորհրդի նախագահ Ցոլակ Ակոպյանը ներկայացրեց, թե իրենց կարծիքով հատկապես որտեղ է մեծ կոռուպցիայի վտանգը: Նրա պնդմամբ` դրանք են ընդունելությունը, ֆակուլտետներում հանդիպող հովանավորչությունը, բուհի տնտեսական գործունեության ոլորտը (գնումներ, շինարարություն եւ այլն): Իսկ կոռուպցիայի դեմ պայքարի լավագույն միջոցներից մեկը բուհի կադրային ճիշտ քաղաքականությունն է:

Որպեսզի քննարկումն ավելի արդյունավետ լինի եւ ոչ պաշտոնական մթնոլորտում, վարչապետն առաջարկեց միասին գտնել ուսանողների հարցերի պատասխանները` հաճախ հենց նրանց հարցեր ուղղելով: Եվ սկսեցին նրանից, թե ինչ է քաղաքացիական կամքը, որի դրսեւորման դեպքում հնարավոր կլինի պայքարել այդ երեւույթի դեմ:

«Եթե դու չես կարողանում համոզել նույնիսկ քո ընկերոջը, ուրեմն համոզմունքների խնդիր կա: Եվ մինչ այդ համոզմունքները կդառնան քաղաքացիական կամքի դրսեւորում, պետք է անցնեն փորձարկում քո շրջապատում»,- ուսանողներին խորհուրդ է տալիս վարչապետը:

Զրույցը ներառեց նաեւ հասարակության մեջ արժեհամակարգ ձեւավորելու հարցը, որի մասնակիցը պետք է լինեն ինչպես ՀՀ Կառավարությունը, այնպես էլ այդ հարցով շահագրգիռ ցանկացած քաղաքացի, այդ թվում նաեւ` ուսանողները:

Սակայն հարցերը միայն կոռուպցիային չէին վերաբերում: ԵՊՀ ուսանողները եւս մեկ անգամ բարձրացրին մայիսի 16-ը ՀՀ-ում ուսանողության օր հռչակելու հարցը, որին ի պատասխան` պարոն Սարգսյանը նշեց, որ եթե բոլոր բուհերի ներկայացուցիչները համաձայնության գան, իրենք անպայման կաջակցեն:

ԿԳ նախարար Արմեն Աշոտյանն էլ, կիսելով ուսանողների մտահոգությունը, նշեց, որ մեր ամենաթույլ կողմերից մեկը գործնական պարապմունքների, պրակտիկայի պակասն է. «Մայիսի 17-ին մենք նախարարությունում ռեկտորների հետ երկու խնդիր ենք քննարկելու` մագիստրատուրայում բակալավրիատի ծրագրերի կրկնությունը եւ պրակտիկան, որը պետք է կազմակերպել Հայաստանում»:

Վարչապետն անդրադարձավ նաեւ աշխատաշուկայում ամենամրցունակ մասնագետների եւ նրանց պատրաստող բուհերի հարցին: Ըստ այդմ` ամենաորակյալ մասնագետների պատրաստման սանդղակում առաջինը ԵՊՀ-ն է, այնուհետեւ բարձր վարկանիշ ունեցող 5-6 պետական բուհեր, ինչպես նաեւ Հայաստանում ֆրանսիական եւ Հայաստանի ամերիկյան համալսարանները:

| Դիտում: 389 | Ավելացրեց: AH | Գնահատական: 0.0/0 |  Աղբյուրը: ԵՊՀ  


Օրացույց
«  Մայիս 2011  »
ԵրկԵրեքՉորՀինՈւրՇաբԿիր
      1
2345678
9101112131415
16171819202122
23242526272829
3031
...
...

...

Գովազդ



ԵՊՀ Աշխարհագրության և երկրաբանության ֆակուլտետ

 


.