Ղազախստանում գետն է թափվել ռազմական թունավոր նյութ՝ ցիանիդ, որը նախկինում օգտագործվել է որպես քիմիական զենք:
Թունավոր հեղուկը լցվել է Ղազախստանի Սեկիսովկա գետը՝ ոսկու արտադրամասերից մեկում տեղի ունեցած վթարի պատճառով:
ՌԻԱ նովոստիի փոխանցմամբ՝ Ղազախստանի լրատվական ծառայությունները հայտնել են, որ գետի ջրերում թույնը 500 անգամ գերազանցում է թույլատրելի սահմանը:
Ղազախստանում հնարավոր են համարում թունավորված ջրերի ներթափանցումը՝ Ռուսաստան։
Տեղական կառավարման մարմինները կազմակերպել են շուրջօրյա հերթապահություն: Գետի երկայնքով ցուցանակներ են փակցվել՝ լողանալու եւ ջրից օգտվելու արգելման նշաններով:
Վերին-Օբսկում նույնիսկ դպրոցականներին հարկադիր արձակուրդ են ուղարկել:
Փորձագետները ենթադրում են, որ գետի էկոհամակարգի մաքրման համար որոշակի ժամանակ կպահանջվի։ Գետը ինքն իրեն կմաքրի, ասում են նրանք։ Թե մինչ այդ թունավորման ինչ դեպքեր կգրանցվեն՝ փորձագետները դժվարանում են պատասխանել:
