Կիրակի, 21.07.2019, 19:21

ԵՊՀ Աշխարհագրության և երկրաբանության ֆակուլտետի ուսանողական կայք


Գլխավոր Մենյու
Ն Ո Ր Ո Ւ Յ Թ ! ! ! ! ! ! ! ! !

Որոնում
Եղանակը Երևանում

07.06.2010-ից սկսած
free counters
Վիճակագրություն
Яндекс.Метрика
Հիմա կայքում: 1
Հյուրեր: 1
Օգտագործողներ: 0
Արխիվ

Գլխավոր էջ » 2011 » Հոկտեմբեր » 8 » Քննարկում Հրազդանի երկաթահանքի
12:54
Քննարկում Հրազդանի երկաթահանքի
Հրազդանի երկաթահանքի շահագործման դեմ պայքարող «Նախաձեռնող խումբը» կազմակերպեց հանդիպում բնապահպան-մասնագետների հետ, ովքեր իրենց խոսքով ու խորհրդով որևէ կերպ կարող են աջակցել խմբին` պայքարելու հանքի շահագործման դեմ: Քննարկումը սկսվեց խմբի անդամ Մ. Մանուկյանի ելույթով, ով ներկայացրեց հանքի շահագործման հետ կապված մտահոգությունները:

Քննարկման ընթացքում յուրաքանչյուր մասնագետ ներկայացրեց իր մասնագիտական գիտելիքներն ու փորձը` միանշանակ բացասական դիրքորոշում ցուցաբերելով խնդրի առնչությամբ: 

Էկոդաշինքի փորձագետ, ջրային ռեսուրսների մասնագետ Քնարիկ Հովհաննիսյանը նշեց, որ միայն Երևան քաղաքի խմելու ջրի 35-40% -ը գալիս է Հրազդանից. «Էդտեղ հազար տեսակի աղբյուրներ կան` Սոլակը, Բազմաղբյուրը, Կաթնաղբյուրը և այլն, Հրազդան գետի սկզբից և ողջ հունով բխում են այդ աղբյուրները, խմելու ջրի համար վտանգը միանշանակ է, ոչ միայն տարածաշրջանի, այլ նաև Երևանի համար:Կաղտոտվի Հրազդան գետը, կաղտոտվի նաև Արարատյան դաշտավայրը, որտեղից սնվում ենք, իսկ հողագետները արդեն իսկ բղավում են, որ Արարատյան դաշտավայրի հողերի 80%– ը կորցրել է իր հատկությունները», - նշեց տիկին Հովհաննիսյանը:

Քննարկմանը ցանկություն էր հայտնել մասնակցելու ՀԱԿ Հրազդանի կառույցը, որի ներկայացուցիչը նշեց, որ քաղաքական հարցերից դուրս, ունենալով լուրջ բնապահպանական խնդիր` իրենք էլ ամեն ինչ կանեն` չարիքից ազատվելու համար: «Ծանոթ լինելով նախկինում ներկայացված բնապահպանական հիմնավորումներին, տեղյակ եմ, որ այդ նախագծում մեծ տեղ էր հատկացվում կոյուղու կոլեկտորին, որը իարկանում չկա և ողջ կոյուղաջուրը լցվում է Հրազդան գետը, իսկ Քաղսիի մաքրման կայանը վաղուց չի գործում: Էլ ինչ կոլեկտորի մասին է խոսքը, թե իբր կեղտաջրերը այդ կերպով կհեռացվեն»,- հավելեց ՀԱԿ Հրազդանի կառույցի անդամ Հ. Ավագումյանը:

Քննարկման ընթացքում խոսվեց նաև վտանգված կենսաբազմազանության, երկաթի հանքնյութի և ուղեկցվող մետաղների վնասի, նաև իրավունքների մասին, որի առնչությամբ Հակոբ Սանասարյանը նշեց, որ սա մեր ազգային, անհատական սեփականության իրավունքն է և մենք պետք է տեր կանգնենք դրան, թե չէ այն մեզանից խլում-տալիս են մի քանի անհատների:

Քննարկման ավարտին ելույթ ունեցավ «Հայկական բնապահպանական ցանց» – ի ներկայացուցիչ Կիրկ Վալլասը, ում խոսքերով իրենց առաքելությունը սփյուռքի և Հայաստանի միջև կամուրջ հանդիսանալն է` նպատակ ունենալով սփյուռքահայությանը ներգրավել բնապահպանական խնդիրների լուծման մեջ: «Ես բնապահպան չեմ, բայց յուրաքանչյուր մարդ, ով սիրում է իր երկիրը և մտահոգվում է բնապահպանության համար, պետք է ձերբազատվի նեղ մասնագիտական հարցերից և մենք բոլորս ենք բնապահպան, եթե ուզում ենք բարեկեցիկ պետություն ունենալ»,- ասաց պարոն Վալլասը:

| Դիտում: 360 | Ավելացրեց: AH | Գնահատական: 0.0/0 |  Աղբյուրը: ԷԿՈԼՈՒՐ  


Օրացույց
«  Հոկտեմբեր 2011  »
ԵրկԵրեքՉորՀինՈւրՇաբԿիր
     12
3456789
10111213141516
17181920212223
24252627282930
31
...
...

...

Գովազդ



ԵՊՀ Աշխարհագրության և երկրաբանության ֆակուլտետ

 


.