46 միլիոն դրամ` «Սևան» ազգային պարկի հարկերի համար
Մայիսի 29-ի նիստում ՀՀ կառավարությունն ավելի քան 46 միլիոնն դրամ է հատկացրել Բնապահպանության նախարարությանը: Գումարը նախատեսված է «Սևան» ազգային պարկի համար, որպեսզի վերջինս 2012 թ. իրականացված Սևանա լճի անտառմաքրման աշխատանքի դիմաց վճարի ԱԱՀ, եկամտահարկ եւ սոցիալական վճարում: Այս մասին տեղեկացնում է ՀՀ կառավարության պաշտոնական կայքը:
Հիշեցնենք, որ Սեւանա լճի ափամերձ 4000 հա ծառածածկ տարածքներից մաքրվել է 1152 հեկտարը: Ջրածածկ անտառները կազմում են այսօր 125 հեկտար, որը կմաքրվի այս տարի:
