ՀՀ կառավարությունը հերթական կանաչ լույսն է վառում հանքարդյունաբերության համար: Գործադիրը որոշել է մինչեւ 2016թ. մայիսի 30-ը հետաձգել «Ատ-մետալս» ՍՊԸ կողմից իրականացվող ներդրումային ծրագրով ներմուծվող և 300 մլն դրամը գերազանցող արժեքով ապրանքների ԱԱՀ-ի վճարման ժամկետը: Ինչպես տեղեկացնում է կառավարության պաշտոնական կայքը, ընկերությունը նախատեսում է կազմակերպել Սյունիքի մարզի Մեղրասարի հանքավայրի ուսումնասիրություն, հանքաքարի վերամշակում` ոսկու և արծաթի ստացման համար։ Կառուցվելու է բազմամետաղների մշակման արտադրամաս, հետագայում վերամշակման ժամանակ առաջացած «պոչերը» կիրառել շինարարության, ապակու ձուլման և այլ բնագավառներում։ 2013 թ. պետք է թողարկվի շուրջ 1.4 մլրդ դրամի արտադրանք, ստեղծվի 75 աշխատատեղ։Նշենք, որ կառավարության կայքում բացակայում է ընկերությանն աջակցելու որոշման նախագիծը:
