Քարտեզագրության և գեոմորֆոլոգիայի ամբիոնը հիմնադրվել է 1968 թ-ին Աշխարհագրական գիտությունների դոկտոր, պրոֆ. Ս.Բալյանի ակտիվ մասնակցությամբ. Նա էլ ամբիոնն անընդմեջ ղեկավարել է մինչև 1997 թ-ի հուլիսի 1-ը: 1997 թ-ի հուլիսի 1-ից մինչև օրս ամբիոնը ղեկավարում է աշխարհագրական գիտությունների դոկտոր պրոֆեսոր Վ.Ռ.Բոյնագրյանը: Իր գոյության 37 տարիների ընթացքում ամբիոնը պատրաստել է 300-ից ավելի մասնագետ` ավելի քան 200 գեոմորֆոլոգ, իսկ 1980 թ-ից` 100 քարտեզագիր:
Ամբիոնի շրջանավարտները աշխատում են հանրապետության և արտերկրի տարբեր հիմնարկություններում` ՀՀ ԳԱԱ երկրաբանական գիտությունների ինստիտուտ «Հայերկրաբանության» ԱՄ Հայինժեներական, Ատոմաէներգիա, Հայկական գեոդեզիայի, Հայջրնախագծի ինստիտուտներ, Ջրաօդերևութաբանական ծառայություն, Ազգային անվտանգության ծառայություն, ռազմական ուսումնարան, Բանակի գլխավոր շտաբ, Բնապահպանության նախարարություն, Արտակարգ իրավիճակների վարչություն, հանրակրթական դպրոցներ և այլն:
Ամբիոնում աշխատում են 6 դասախոս (1 պրոֆեսոր, 3դոցենտ, 1ասիստենտ, 1 դասախոս) և 1 լաբորատորիայի վարիչ , 1 ավագ լաբորանտ, 2 լաբորանտ:
Ամբիոնը մասնագիտանում է հետևյալ ուղղություններով` քարտեզագրություն, կադաստրային գործ, գեոմորֆոլոգիա:
Սովետական կարգերի օրոք գեոմորֆոլոգիական մասնագիտացման բաժնի 3 կուրսի ուսանողները արտադրական պրակտիկան անցկացնում էին ԽՍՀՄ-ի տարբեր վայրերում գտնվող արշավախմբերում (Կամչատկա, Պատոմի սարահարթ, Ուրալ, Ղազախստան և այլն), իսկ քարտեզագրական մասնագիտացման բաժնի ուսանողները` Նովոսիբիրսկի, Մինսկի, Սվերդլովսկի Տաշքենդի քարտեզագրական ֆաբրիկաներում:
