Նախապատրաստական դասընթացներ կազմակերպում է Մինչհամալսարանական կրթության վարչությունը:
Վարչությունը նորաստեղծ կառուցվածքային ստորաբաժանում է ԵՊՀ կառավարման համակարգում: Այն որպես կենտրոն գործում էր դեռևս 2007թ. հունվարից, իսկ 2010-ին վերաձևավորվեց որպես վարչություն:
Մինչհամալսարանական կրթության վարչության խնդիրներն են. 1. ԵՊՀ ընդունելության և դիմորդների նախապատրաստման ուղղությամբ համալսարանի կառուցվածքային ստորաբաժանումների աշխատանքների համակարգումը, 2. ԵՊՀ-ի և հանրակրթական դպրոցների միջև փոխադարձ կապի ամրապնդումը դպրոց - բուհ համակարգի շարունակական կրթության սկզբունքի ապահովումը, 3. առկա և հեռակա կրթական համակարգերի դիմորդների հետ շուրջտարվա տեղեկատվական և կազմակերպչական աշխատանքների իրականացումը, 4. բազմամակարդակ նախապատրաստական դասընթացների կազմակերպումը` ՀՀ հանրակրթական հաստատությունների, ավարտական դասարանների աշակերտների և սովորողների` բուհ ընդունվելուն նախապատրաստումը:
Մինչհամալսարանական կրթության վարչության կազմում գործում են դիմորդների հետ տարվող աշխատանքների և նախապատրաստական դասընթացների բաժինները:
