Գերմանիայի Ռոստոկի համալսարանի եւ Երեւանի պետական համալսարանի միջեւ կնքված համաձայնագրի շրջանակներում հայ ապագա քիմիկոսներն իրենց ավարտական աշխատանքների համար ուսումնասիրություններ կարող են կատարել Ռոստոկի համալսարանում: Ուսանողներին տրամադրվում է DAAD-ի կրթաթոշակ ե՛ւ բնակության, ե՛ւ սնվելու, ե՛ւ ուսումնասիրություններ կատարելու համար: Վերջիններս վճարում են միայն ճանապարհածախսի համար:
| 
|
Քիմիայի ֆակուլտետի դեկան Տարիել Ղոչիկյանը նշեց, որ այս գործում մեծ ներդրում ունի Ռոստոկի համալսարանի օրգանական քիմիայի ամբիոնի վարիչ, պրոֆեսոր Պետեր Լանգերը, ում աջակցությամբ էլ հայ ուսանողները կրթաթոշակ են ստանում:
Եթե նախորդ տարիներին ուսանողներ էին ընտրվել միայն բակալավրիատից, ապա այս տարի Ռոստոկ կմեկնեն նաեւ մագիստրատուրայի 2 լավագույն ուսանողներ: Նրանք Ռոստոկի համալսարանում ուսումնասիրություններ են կատարում կա՛մ 6 ամսվա, կա՛մ մեկ տարվա ընթացքում:
«Եթե համալսարանի պրոֆեսորադասախոսական կազմը գտնում է, որ ուսանողը բավարար պատրաստվածություն ունի, ապա նա կարող է այնտեղ 2 տարի փորձեր կատարել»,- հավելեց Տարիել Ղոչիկյանը:
Քիմիայի ֆակուլտետի դեկանը նաեւ փաստեց, որ այն բոլոր շրջանավարտները, ովքեր եղել են Ռոստոկի համալսարանում, մեծ հաջողությունների են հասել:
Գովազդ
Зрелые бляди москвы.
|
