| Հայաստանում աճում է հետաքրքրությունը աշխարհում խոշորագույն հանքարդյունաբերական տեխնիկա արտադրող Caterpillar ընկերության արտադրանքի նկատմամբ: Այդ մասին այսօր` սեպտեմբերի 20-ին Քաջարանում անցկացվող սեմինարի ընթացքում Հայտարարեց «Ցեպելին Արմենիա» ընկերության նախագահ Հեյկո Քրայզերը: Նշենք, որ Zeppelin group-ը հանդիսանում է ողջ աշխարհում Caterpillar-ի բացառիկ ներկայացուցիչը; Մոտ 5 տարի առաջ այդ միջազգային ընկերությունը ներկայացուցչություն է բացել նաեւ Հայաստանում: Այս ընթացքում ընկերությունը միայն Քաջարանի պղնձամոլիբդենային կոմբինատին վաճառել է 30 միավոր տեխնիկա, ընկերության արտադրանքի նկատմամբ հետաքրքրություն են ներկայացնում նաեւ մյուս հանքերը` Թեղուտ, Ախթալա, Ղափան, Սոթք եւ այլն: : | 
|
Սպասվում է, որ երկաթի հանքավայրերի շահագործումը բացառապես կիրացվի ամերիկյան տեխնիկայով, որը ավելի արդյունավետ է, եւ ավելի քիչ վառելիք է օգտագործում: Ըստ Քրայզերի` իրենց տեխնիկան կարելի է օպգտագործել նաեւ ոչ մետաղական հանքերում, սակայն քանի որ հայկակակն քարհանքերը համեմատաբար փոքր չափեր ունեն, այդ պատճառով նախընտրում են ռուսական կամ բելառուսական համեմատաբար էժան տեխնիկան:
Zeppelin group-ի տարածաշրջանային մենեջեր (ԱՊՀ-ի Արեւմտյան մաս) Ալեքսանդր Մազմանյանը NEWS.am-ի հետ զրույցում ասաց, որ համաշխարհային մակարդակով հանքերում օգտագործվող տեխնիկայի 70 տոկոսը Caterpillar ընկերության արտադրանքն է: Այն ավելի արդյունավետ է, ապահովվում է բարձրակարգ սպասարկում, կադրերի վերապաատրաստում; Վաճառքի ժամանակ օգտագործվում են վճարման ճկուն մեխանիզմներ` լիզինգ, տարաժամկետ վճարում եւ այլն:
Քաջարանի պղնձամոլիբդենային կոմբինատի տրանսպորտային բաժնի վարիչ Ռուբեն Աբրահամյանը NEWS.am-ի հետ զրույցում հաստատեց այն փաստը, որ Caterpillar-ի տեխնիկան իրոք թույլ է տվել հանքում արդյունավետությունը ավելացնել 25 տոկոսով: Արդյունքում` ավելացել են շահույթները եւ պետությանը վճարվող հարկերը: Ներկայում, օրինակ, ծանր ինքնաթափերի մեծ մասը Քաջարանում Caterpillar-ի արտադրանքն է:
|
