1. երկրաֆիզիկա, 2. երկրաքիմիա, 3. ջրաերկրաբանություն և ճարտարագիտական երկրաբանություն, 4. պատմական և ռեգիոնալ երկրաբանություն, 5. ՕՀՀ որոնում և հետախուզում, 6. հասարակական աշխարհագրություն, 7. բնական աշխարհագրություն, 8. գեոինֆորմատիկա և քարտեզագրություն, 9. բնօգտագործում և բնապահպանություն:
Ֆակուլտետի ուսանողներն իրենց ուսումնաարտադրական պրակտիկաներն անցկացնում են Երևան քաղաքի, ՀՀ մարզերի տարբեր ձեռնարկություններում, վարչական հիմնարկներում, ՀՀ բնապահպանության նախարարությունում, Ջրաօդերևութաբանական վարչությունում, Գեոդեզիայի ինստիտուտում, ԵՊՀ « Բյուրական » և « Մարմարիկ » ուսումնաարտադրական բազաներում, Երևանի դպրոցներում, Հայաստանի տարբեր շրջաններում, Երկրաբանության ինստիտուտում, Սեյսմիկ պաշտպանության ազգային ծառայությունում, ֆակուլտետի ամբիոններում: Ֆակուլտետի ուսանողները մասնակցում են նաև ՀՀ տարբեր շրջաններում անցկացվող երկրաբանական արշավախմբերին:
Ուսումնական գործընթացին զուգընթաց աշխարհագրության և երկրաբանության ֆակուլտետում կատարվում են գիտահետազոտական աշխատանքներ` քարտեզագրության և գեոդեզիայի, ջրաբանության, ջրային պրոբլեմների, երկրակեղևի խորքային կառուցվածքի, հանքային դաշտերի առաջացման և նրանց որոնման ու հետախուզման մեթոդների մշակման, ջրաերկրաբանական, երկրաքիմիայի, սողանքային երևույթների, երկրաֆիզիկական դաշտերի ուսումնասիրության ուղղություններով: Աշխատանքներ են տարվում նաև հանրապետության տարածքի սեյսմիկ շրջանացման, երկրաշարժերի առաջացման և դրանց կանխագուշակման, հիդրոտեխնիկական կառույցների անվտանգ շահագործման ուղղություններով:
Ներկայումս ամբիոններում ուսումնասիրվում են գիտահետազոտական մի շարք թեմաներ, որոնցից են`
1.Սևանի ավազանի երկրաբանա-հիդրոերկրաբանական կառուցվածքը և անթրոպոգեն ազդեցության գնահատումը համալիր ուսումնասիրությունների հիման վրա (գիտ. ղեկ.` Մ. Գրիգորյան), 2. Նավթագազային ծննդավայրերի որոնման երկրաքիմիական մեթոդների ռացիոնալ կոմպլեքսի մշակումը (գիտ. ղեկ.` Ա. Գրիգորյան), 3.ՀՀ լանդշաֆտների դեգրադացիայի դեմ պայքարի և օպտիմալացման աշխարհագրական հիմունքների մշակում (գիտ. ղեկ.` Ա. Խոյեցյան), 4.Հայաստանի Հանրապետության բնական աղետների վտանգավորության և ռիսկի գնահատումը և 1:200 000 մասշտաբի քարտեզների կազմումն ըստ առանձին մարզերի (գիտ. ղեկ.` Վ. Բոյնագրյան):
var container = document.getElementById('nativeroll_video_cont');
if (container) {
var parent = container.parentElement;
if (parent) {
const wrapper = document.createElement('div');
wrapper.classList.add('js-teasers-wrapper');
parent.insertBefore(wrapper, container.nextSibling);
}
}